أعيش حالياً فترة "مالي خلق".. وهي تقال لكل شيء.. دون أدنى إحساس بالذنب على أي شيء أهمله.. مع أن الإحساس بالذنب مطلوب أحياناً.. اللي باط جبدي إني مالي خلق المدونات.. ما أدري ليش.. مالي خلق أكتب ولا لي خلق أقرأ.. وبيني وبينكم -حلوة هذي تنقال بالإنترنت- المدونات كأنها صارت زحمة حبتين؟ وايد ناس يدد.. وتعال عابل واكتشف، منو و شنو.. وأنا صراحة "مالي خلق".. مالي خلق أقرأ جرايد.. كل يوم أسير على العناوين عالسريع.. راودني إحساس ذاك اليوم أني لو جبت صحيفة الأسبوع الماضي لقرأت نفس العناوين التي أقرأها اليوم!
مالي خلق أوادم وتلفونات.. مالي خلق أسافر -رغم الحنة والإلحاح من البعض- .. مالي خلق أكذب على الناس أقولهم إني مشغول و أنا مجابل التلفزيون كالأبله، ولو أن فيها متعة غريبة.. ودي أقرأ دام ماعندي شغل.. وهو الشي الوحيد اللي لي خلقه.. بس ما أدري أقرأ شنو..
أووه.. موضوع سخيف وينرفز..
مالي خلق شي.. ومالي خلق أكتب.. وما عندي سالفة.. أكتب فقط لأبين -ما أدري لمنو- أني موجود.. ولأني حاس بالذنب لبعدي عن عالم المدونات..
إلى أن يصيرلي خلق.. أراكم..
6 comments:
رشيد
الظاهر هذي حالة إحباط وشلل عام
على طاري التلفون.. آنا صايرة أطلع وما آخذه معاي تهربا من أي أحد وده يدق ويسولف، وأمس انزفيت على هالحركة
ليش ما تسافر؟ يمكن لي غيرت جو تتغير النفسية
آنا ودي آخذ إجازة من الدوام وأقعد عالبحر اسبوعين ثلاثة.. بس ما أقدر
وعن زحمة المدونات.. ترى منت ملزوم تتابعهم كلهم
وبعدين لا تخلي ضميرك يؤنبك على المدونات ترى ما تسوى.. خش ضميرك الأبيض لليوم الأسود
By the way.. How did you get to see my blog?
I'm getting a blank page all the time.. and last night sa7at al Safat went blank too!
Shurouq,
Yeah I got a blank page too. Lakin il israar wil 3azeema khaloni adish :P haha..
Somehow I had the link to ur May's archive.. From there I can read recent posts on the right.. It was complicated bs I got there somehow..
اللي يقهر إنا أكو ناس يزفون ليش ما ترد على التلفون.. أنا قمت أقول أنه مو شي شخصي، لكن مالي خلق أكلم أحد..البعض يتفهم والبعض الآخر اللي ما يتفهم.. كيفهم عاد
توني راجع من سفرة ومالي خلق مرة أخرى، إنشاءالله على الويك إند القادم راح تكون لي جولة.. هالويك إند أبيه لنفسي..
عن المدونات، صح ماني ملزوم أتابعهم كلهم، بس بعض المدونات لناس أحببتهم فأوله عليهم.. وهنا يأتي التأنيب..
مشكورة لاهتمامك :)
Kuwaiti_man
حبيبي شكراً لاهتمامك.. والله ما أدري إذا أنا كاره الوضع والا مستانس عليه.. توني مغير جو.. وإنشاءالله قريباً راح أغير جو مرة أخرى
و الله مرحلة مالي خلق هذي معديه
و كانت عندي مرتبطة بأنا مشغولة حدي بعد
الشغل قرب ينتهي بس مرحلة مالي خلق شكلها بتطول
على فكرة اما مريحة راسي تماما من ناحية قراءة البلوغات
كلهم كم بلوغ ما يتعدون عدد اصابع اليد
(الواحدة اغلب الاحيان )
الي اقراهم
لان التبلوغ مفروض انه ما يكون عبء
او واجب
ان شاء الله تطلع من مرحلة الا خلق هذي قريبا :)
It happens to the best of us ;-)
مالك خلق ؟ أستغرب آنا من الأوادم اللي لهم خلق بصراحة . مالك خلق لأنك تعيس عايش ومو عايش في ديرة تشوف فيها الغلط يمين ويسار على جميع المستويات .. حاميها حراميها ، حرية تشذب ، محد يعطي من نفسه لا بشغل ولا اببيت ولا بمدرسة ، عايشين إحنا الكويتيين على الهامش ما يشغلنا إلا التوافه عديمة الجدوى . قال تلفون يديد سيارة بنات شباب مني هذي منو ذاك ، لبس ماركات وأرف . ماكو شي أعلى من هالمستوى عندنا . وتقولى يايك إحباط ؟ زين مو متوفي بس .
Post a Comment